Koreja e Jugut i bëri thirrje Kinës të luajë një rol konstruktiv në përballjen me kërcënimet e Koresë së Veriut
- Ministri i Punëve Jashtme i Koresë së Jugut, Park Xhin, i bëri thirrje Kinës që të luajë një rol konstruktiv në trajtimin e kërcënimeve të Koresë së Veriut.
- Post By Ajrije Rexhepi
- 11:37, 15 korrik, 2023
![Koreja e Jugut i bëri thirrje Kinës të luajë një rol konstruktiv në përballjen me kërcënimet e Koresë së Veriut](https://mia.mk/images/20230715113703_big_730x400_81.webp )
Seul, 15 korrik 2023 (MIA) - Ministri i Punëve Jashtme i Koresë së Jugut, Park Xhin, i bëri thirrje Kinës që të luajë një rol konstruktiv në trajtimin e kërcënimeve të Koresë së Veriut.
Ministri këtë thirrje e bëri gjatë një takimi me ministrin kinez të Punëve të Jashtme Vang Ji në margjinat e takimit të Asociacionit së Kombeve të Azisë Juglindore (ASEAN) në kryeqytetin indonezian, Xhakartë, pasi Pheniani këtë javë lëshoi një raketë balistike ndërkontinentale.
Park Xhin shprehu pakënaqësi të thellë për lëshimin e raketës.
“Është në interes të përbashkët të Seulit dhe Pekinit që Koreja e Veriut të ndalojë me provokimet dhe t'i kthehet dialogut”, theksohet në kumtesën e Kabinetit të ministrit të Koresë së Jugut.
“Ministri Park theksoi se është më e rëndësishme se kurrë që pala kineze të luajë një rol konstruktiv në paqen dhe stabilitetin e Gadishullit Korean”, shtohet në kumtesën e e Ministrisë së Punëve të Jashtme të Koresë së Jugut. ar/
Foto: Arkivi i MIA-s