Athinë, 3 prill 2025 (MIA) - Katër persona humbën jetën pasi një varkë me refugjatë dhe emigrantë u përmbys në pjesën detare në veri të ishullit grek Lesbos, 23 persona u shpëtuan, ndërsa në vijim është operacioni i rojes bregdetare greke për gjetjen e të zhdukurve, njoftoi korrespondentja e MIA-s nga Athina.

Nga Shërbimi bregdetar informuan se në operacionin e shpëtimit në ujë, në tokë dhe nga ajri, i cili ka nisur që në orët e para të mëngjesit të sotëm, janë të përfshira tre anije patrullimi, një anije që lundron aty pranë, katër automjete dhe një helikopter i forcave ajrore ushtarake.

Janë shpëtuar 23 refugjatë dhe emigrantë, ndërsa janë nxjerrë katër trupa të pajetë. 

Sipas mediave greke në varkën kishte 31 persona. ls/