Riad, 25 mars 2025 (MIA) - Delegacionet e SHBA-së dhe Ukrainës kanë përfunduar raundin e dytë të negociatave në Arabinë Saudite, njofton shërbimi i transmetimit publik ukrainas "Suspilne", duke cituar një burim nga delegacioni.

Më herët u raportua se delegacioni ukrainas për shkak të këtij takimi e ka vazhduar edhe një ditë qëndrimin në Arabinë Saudite.

Tani për tani nuk ka ende të dhëna për temat e bisedës. Mbledhja mes delegacioneve ruse dhe amerikane, e cila zgjati më shumë se 12 orë, ka përfunduar dje, ndërsa për sot është paralajmëruar deklaratë e përbashkët e përfaqësuesve të Rusisë dhe SHBA-së.

Presidenti ukrainas Volodimir Zelenski në fjalimin e djeshëm paralajmëroi se delegacioni i SHBA-së përsëri do të takohet me ekipin ukrainas pas takimit me delegacionin rus në Arabinë Saudite. qa/

Foto: arkivi i MIA-s