Koçan, 24 prill 2024 (MIA) - Katër orë pas hapjes së qendrave të votimit në rajonin e Koçanit jehona për zgjedhjet presidenciale është rreth 13 për qind.

Sipas të dhënave të Komisionit Shtetëror të Zgjedhjeve, në Koçan deri në orën 11 kanë votuar 4.721 qytetarë, gjegjësisht 14,77 për qind. Janë regjistruar 32.481 votues të cilët të drejtën e tyre të votës e realizojnë në 63 qendra votimi, me ç'rast në katër qendra votimi ka nën 10 votues dhe ata do të votojnë në vendet më të afërta.

Në komunën e Vinicës nga 16.067 votues të regjistruar, 14,04 për qind kanë votuar, në Çeshinovë-Oblleshevë janë 5.131 votues, ndërsa jehona është 12,95 për qind, ndërsa në Zërnovc në listën e votimit janë regjistruar 2.510 qytetarë, ndërsa deri në periudhën e njejtë kanë votuar 11,6 për qind.

Nga Komisionet Zgjedhore Komunale në katër komunat konfirmuan se qendrat e votimit ishin hapur në kohë. Në dy vende në Çeshinovë-Oblleshevë votimi  u vonua për shkak të problemeve me pajisjet për kontroll të gjurmëve të gishtave, por problemi menjëherë u tejkalua dhe procesi zgjedhor zhvillohet pa probleme. sa/

Foto: MIA