Uashington, 30 tetor 2024 (MIA) - Gjykata Supreme e SHBA-së ka refuzuar kërkesën e kandidatit të pavarur amerikan për president Robert Kenedi Xhunior për ta hequr atë nga fletëvotimet në dy shtete kyçe.

Viskonsin dhe Miçigen janë ndër shtetet që mund të mbështesin cilin do kandidat dhe të përcaktojnë rezultatin e garës presidenciale. Kenedi Xhunior u tërhoq nga zgjedhjet dhe e mbështeti kandidatin republikan Donald Tramp. 

Kandidati i tërhequr pohonte se refuzimi për ta hequr atë nga fletëvotimi shkelë të drejtat e tij nga Amendamenti i parë i Kushtetutës së SHBA-së, duke nënkuptuar në mënyrë të rreme se ai ende dëshiron të zgjidhet president. Megjithatë, zyrtarë nga të dy shtetet thanë se heqja e emrit të tij ishte aktualisht e pamundur pasi votimi i hershëm kishte filluar. Mbi 1.75 milion vota janë bërë tashmë në Miçigen dhe mbi 850.000 në Viskonsin. 

Të kesh kandidatë të pavarur dhe të palëve të treta në fletën e votimit në shtetet kyçe mund të jetë një faktor i madh për zgjedhjet e kontestuara.

Kenedi kërkoi të hiqet emri i tij nga fletëvotimet në shtatë shtete kyçe, pasi e publikoi mbështetjen e tij për Trampin. Në shtetet tjera, megjithatë, ai donte që emri i tij të mbetet në fletëvotimet.

Viskonsin dhe Miçigen janë dy shtetet e fundit ku pritet që emri i tij të mbetet. ls/ 

Foto: Arkivi i MIA-s