Shkup, 28 janar 2024 (MIA) - Njëqind ditë para zgjedhjeve parlamentare të 8 majit, Maqedonia e Veriut do të bëhet me Qeverinë e tretë kalimtare të krijuar me Marrëveshjen e Përzhinës. Për kryeministër të Qeverisë Teknike është propozuar Talat Xhaferi, nga Bashkimi Demokratik për Integrim.

Qeveria do ta zgjedh Kuvendin me shumicë votash nga numri i përgjithshëm i deputetëve. Mandati i Qeverisë kalimtare zgjat deri në zgjedhje, deri në publikimin e rezultateve përfundimtare nga Komisioni Shtetëror i Zgjedhjeve për zgjedhjen për deputetë.   

Detyra kryesore e qeverisë kalimtare është organizimi i zgjedhjeve parlamentare të ndershme dhe demokratike.

Në Qeverinë kalimtare partia opozitare me numrin më të madh të deputetëve (VMRO-DPMNE) propozon ministrin e Punëve të Brendshme dhe ministrin e Punës dhe Politikës Sociale. Me propozim të kryeministrit, Kuvendi emëron deputetë plotësues për ministrat e Punëve të Brendshme dhe Punës dhe Politikës Sociale nga radhët e qeverisë (LSDM), por edhe nga opozita, në departamentet e financave, bujqësisë, shoqërisë informative dhe administratës.

Ministri teknik i Punëve të Brendshme do të mund të kryejë maksimumi 15 shkarkime ose sistemime, në një pozicion më të ulët ose më të lartë të bartësve të pozicioneve drejtuese në Ministri. Nëse emëron drejtues të rinj, ai ka për detyrë të emërojë zëvendësit e tyre me propozimin e zëvendësministrit plotësues. Të dy kanë nënshkrime të lidhura. Nëse një akt nënshkruhet vetëm nga një person, ai nuk do të jetë i vlefshëm. Ministri ka të drejtë të punësojë njerëz për nevojat e kabinetit të tij. Mund të kryejë gjithashtu sistemime horizontale të punonjësve.

Kjo do të jetë qeveria e tretë kalimtare në vend. E para është udhëhequr nga Emil Dimitriev dhe për shkak se nuk mund të formohej një qeveri për një kohë të gjatë, ai drejtoi qeverinë teknike nga 18 janari i vitit 2016 deri më 1 qershor të vitit 2017.

Qeveria e dytë kalimtare u drejtua nga ministri aktual i Punëve të Brendshme, Oliver Spasovski, nga 3 janari i vitit 2020 deri më 30 gusht të vitit 2020.

Katër partitë më të mëdha më 2 qershor të vitit 2015, arritën një marrëveshje 100 ditë para zgjedhjeve të ardhshme parlamentare me shtetin që të udhëheq një qeveri për të zhvilluar zgjedhjet. mb/