Dibër, 24 prill 2024 (MIA) - Në komunat Dibër dhe Qendra Zhupë, deri në orën 17 të drejtën e tyre të votës e kanë realizuar 29 gjegjësisht 15,57 për qind e të regjistruarve në listat zgjedhore. 

"Dita e zgjedhjeve dalëngadalë po kalon si më mirë, në të gjitha 27 vendvotimet. Deri në orën 17 votuan 5562 ose 29 për qind e gjithsej 19.334 personave të regjistruar me të drejtë vote. Anëtarët e Komisionit Komunal Zgjedhor rregullisht kryenin vëzhgime në vendvotimet dhe nuk janë vërejtur parregullsi gjatë votimit", thotë Rilind Hasa, kryetar i komisionit komunal zgjedhor në Dibër. 

Sipas kryetarit të Komisionit Komunal Zgjedhor në komunën Qendra Zhupa, Nexhip Iljaz deri në orën 17 në votim kanë dalë 1.147 persona me të drejtë të votës ose 15,57 për qind nga gjithsej 7.383 persona të regjistruar. Edhe në këtë komunë dalëngadalë dita e zgjedhjeve po kalon pa probleme. 

Zgjedhjet në dy komunat i ndjekën vëzhgues të misionit të OSBE/ODIHR, si dhe të asociacioneve qytetare. fc/

Fotografia: MIA