Ohër, 28 mars 2024 (MIA) - Ministri i Shëndetësisë, dr. Ilir Demiri, së bashku me zëvendësministren, dr. Maja Manoleva, kanë vizituar sot Spitalin e Specializuar për Ortopedi dhe Traumatologji "Shën Erasmo" në Ohër, ku janë bërë investime të shumta në pajisje të reja mjekësore, projekte infrastrukturore, si dhe forcimi i vazhdueshëm i stafit.

"Një nga investimet më domethënëse në pajisje të reja është aparati i rezonancës magnetike me vlerë 1.2 milionë euro, me mbështetje nga Bashkimi Evropian. Gjithashtu, përmes projektit IPA janë blerë edhe disa aparatura në vlerë prej 150 mijë eurosh, konkretisht: aparat për artroskopi, aparat EEG-EMG, aparat ECHO stacionare dhe celulare, monitorë të pacientëve, si dhe aparate për fizioterapi. Përveç investimit në pajisje të reja në drejtim të përmirësimit të cilësisë së kujdesit shëndetësor, ky objekt është edhe shembull i forcimit të vazhdueshëm të stafit. Vetëm në vitet e fundit janë realizuar gjithsej 73 punësime të reja, theksoi ministri Demiri pas takimit me udhëheqësinë e Spitalit të Specializuar për Ortopedi dhe Traumatologji “Shën Erasmus”.

Zëvendësministrja Dr. Manoleva theksoi se institucioni ka rikonstruktuar edhe pishinën ekzistuese për fizioterapi në vlerë prej 125.000 euro, si dhe rikonstruksionin e saj me ashensor hidraulik, vaska për fizioterapi dhe aparat krioterapie në vlerë rreth 40.000 euro.

"Këto projekte janë realizuar me mbështetjen e Qendrës për Rajonin Planor Jugperëndimor, Ambasadës së Zvicrës dhe Ministrisë së Vetëqeverisjes Lokale. Në Spitalin e Specializuar për Ortopedi dhe Traumatologji “Shën Erazmus” në Ohër janë të punësuar gjithsej 221 persona, ndërsa për momentin në specializim janë nëntë mjekë. Në spital çdo vit kryhen mbi 1600 ndërhyrje kirurgjikale dhe mbi 65000 ekzaminime ambulatore", tha Manoleva. ls/

Foto: Ministria e Shëndetësisë