Shkup, 15 janar 2025 (MIA) - Çdo përpjekje nga ana e Qeverisë apo e partive politike,  për të dëshmuar se ka politikë në protesta apo në punën e Sindikatës, do të jetë e kotë, theksoi pasdite në protestën para Ministrisë së Kulturës, kryetari i Sindikatës së AOGJSH-së, Tërpe Deanoski.

 "Lus opozitën aktuale të mos kapet pas protestave të të punësuarve, sepse patën shtatë vjet për ta zgjidhur këtë problem, por, në vend të zgjidhjes, bënë gjithçka për të ndaluar marrëveshjet kolektive, madje ishin edhe qeveria e parë, që anuluan marrëveshje kolektive. Dhe ta korrigjoj deklaratën e djeshme të Qeverisë, sepse dukshëm e ngatërroi Sindikata e AOGJSH-së me ndonjë sindikatë tjetër. Si përkujtim, Sindikata e AOGJSH-së  vetëm në vitin 2022, 2023 dhe 2024,  ka organizuar tri greva dhe të paktën 20 protesta, prej të cilave në protestën e dhjetorit të vitit 2023, mbi 5.000 të punësuar të administratës dhe gjyqësorit dolën në rrugë dhe kërkuan paga dinjitoze ër jetë", theksoi Deanoski.

 Shtoi se kërkesat e tyre kanë qenë të njëjta prej vitesh.

"Jo rastësisht në dytën e dytë të protestave jemi përballë Ministrisë së Kulturë. Në vitin 2023, pikërisht këta të punësuar 21 ditë me radhë protestuan para Qeverisë së Republikës së Maqedonisë, me të njëjtat kërkesa si edhe sot, nënshkrimin e marrëveshjes kolektive dhe rritjen e pagave të të punësuarve", tha Deanoski në një deklaratë për media. 

 Ai përkujtoi se kërkesat mbeten të njëjta dhe i bëjnë apel Qeverisë dhe ministrive dikasteriale, që sa më shpejt të fillojnë negociatat dhe të gjejnë një zgjidhje të pranueshme për këtë problem.

Në protestën e djeshme para Ministrisë së Mjedisit dhe Planifikimit Hapësinor, Deanoski tha se protestat do të vazhdojnë çdo ditë nga ora 11 deri në orën 11:30. Për të premten nga ora 11 deri në orën 12, paralajmëroi protestë para Ministrisë së Financave. 

 Zëdhënësja e Qeverisë Marija Miteva në konferencën e djeshme për media theksoi se nuk janë përmbushur kushtet ligjore për protestën që është mbajtur nga ana e Sindikatës së AOGJSH-së. Ajo përmendi se ka dyshime se është e motivuar politikisht. Sipas Mitevës, Qeveria është partnere e të gjithëve dhe e hapur për të gjitha propozimet dhe sugjerimet.

Foto dhe video: MIA