Damask, 27 nëntor 2023 (MIA) - Aeroporti në Damask dje përsëri u godit nga sulmet ajrore izraelite që e nxorrën jashtë funksionit, disa orë pasi rrifilluan fluturimet pas një sulmi të ngjashëm muajin e kaluar, kumtoi Observatori sirian për monitorimin e të drejtave të njeriut.

“Forcat ajrore izraelite kryen një tjetër sulm pasditen e djeshme në Aeroportin Ndërkombëtar të Damaskut  duke e çaktivizuar sërish”, kumtoi grupi i monitorimit.

Sipas Grupit, i cili gjithashtu raporton se një shpërthim ka rënë në aeroportin ushtarak në Maze, në një pjesë tjetër të kryeqytetit, objektivi i sulmit ishin pistat.

Një ushtar dhe dy punonjës të tjerë u plagosën në sulmin, i cili kishte në shënjestër "bazën e mbrojtjes ajrore në zonën Maze", kumtoi më vonë një grup monitorimi.

Një burim i ushtrisë siriane në kumtesën e cituar nga agjencia zyrtare e lajmeve SANA tha se rreth orës 16:50 "armiku sionist ka kryer një sulm ajror me raketa nga rafshnalta e pushtuar e Golanit".

Sipas SANA, objektivi i sulmit ishte "aeroporti ndërkombëtar në Damask dhe disa objekte në rajonin e kryeqytetit", ndërsa sulmet e pamundësuan punën në aeroport dhe shkaktuan "dëme materiale".

Forcat siriane të Mbrojtjes Ajrore "shkatërruan shumicën" e raketave, shtohet në kumtesën. ls/

Foto: Arkiv/ ilustrim