Бесант: Нема гаранција дека САД нема да влезат во рецесија
- Американскиот министер за финансии Скот Бесант оцени дека нема гаранции оти САД нема да влезат во рецесија, но оти економијата би можела да се стабилизира
- Post By Марина Илиевска
- 09:16, 17 mars, 2025

Вашингтон, 17 март 2025 (МИА) – Американскиот министер за финансии Скот Бесант оцени дека нема гаранции оти САД нема да влезат во рецесија, но оти економијата би можела да се стабилизира.
Тој во интервју за Ен-би-си (НБЦ) изјави дека американската берза минатата недела се затвори со значителен пад на вредноста на акциите поради зголемената неизвесност предизвикана од честите промени во политиката на американскиот претседател Доналд Трамп, вклучително и заканите за царини против најголемите американски трговски партнери.
Бесант одговарајќи на прашање дали може да гарантира дека нема да има рецесија додека Трамп е на власт, тој наведе дека нема гаранции.
Тој додаде дека Трамп спроведува силна, долгорочна политика што треба да ја ослободи земјата од огромните владини трошоци. ми/
фото: ЕПА