Дамаск, 28 февруари 2026 (МИА) – Ракета за која се верува дека е од иранско потекло погоди станбена зграда во јужна Сирија, убивајќи најмалку четворица цивили, јавија денеска државните медиуми.

Неколку други лица се повредени, од кои некои критично, во инцидентот што се случил во индустриската зона на градот Сувеида, соопшти сириската новинска агенција Сана.

Извори од Сириската опсерваторија за човекови права, монитор на војната со седиште во Велика Британија, го наведоа бројот на загинати на пет, вклучувајќи и едно дете. Се вели дека остатоци од ракета паднале за време на нападите меѓу Израел и Иран.

Екипите за итна помош и цивилна заштита побрзале на местото на настанот, извлекувајќи ги жртвите и транспортирајќи ги повредените во блиските болници.

Инцидентот се случил за време на нападите на САД и Израел врз Иран кој одговори со напади врз Израел и американските воени сили стационирани на Блискиот Исток.

Поради географската положба на Сирија, цивилите на југот на земјата се под сè поголем ризик од паѓање на остатоци од ракети за време на операциите за пресретнување, пренесе ДПА. јт/