Скопје, 18 јули 2025 (МИА) - Активни се осум пожари на отворен простор заклучно со 18:30 часот, од вкупно 25 во текот на денешниот ден, информира Центарот за управување со кризи (ЦУК). Изгаснати се 15, а под контрола се пет пожари на отворено.

ЦУК соопшти дека се активни пожарите во Василево кај с. Нивичино каде гори нискостеблеста шума, во Македонски Брод кај с. Грешница  каде  се зафатени мешана шума и ниска вегетација, во Прилеп – помеѓу с. Царевиќ и с. Смолани исто така мешана шума и ниска вегетација. Во Прилеп/Кавадарци кај с. Никодин, с. Ракле, с. Фариш гори ниска вегетација и ретка шума, во Липково кај с. Виштица  ниска вегетација и стрниште, во Битола кај населба Довлеџик е реактивиран пожарот со зафатена ниска вегетација, во Росоман кај с. Трстеник горат напуштени ниви и во Илинден кај Индустриска зона Илинден каде горат ниска вегетација, слама и објект.

Од Министерството за внатрешни работи попладнево соопштија дека полициски хеликоптер од типот Бел-412 од Одделот за воздухопловни единици дејствувал на пожарот во општина Василево, с. Нивичино, струмичко, при што во 60 налета се исфрлени повеќе од 80 тони вода. Пожарот се уште е активен и продолжуваат активностите за негово гаснење.

Под контрола се ставени пожарите во Велес – кај с. Џидимирци, с. Крушје и с. Иванковци каде горела мешана шума, во Дојран – с. Николич, нискостеблеста шума, во Демир Хисар на градската депонија, во Македонски Брод кај с. Црешнево, с. Локвица, с. Крапа,  дабова шума и ниска вегетација и во Делчево кај с. Стар Истевник, каде горела борова шума.

Изгаснати се пожарите во Ранковце на местата викани Иваница, Десетак и  Коп, во Куманово  со селата Четирце и Пчиња, во Јагуновце – с. Јагуновце, во Свети Николе – местото викано Кантонче, во Битола – населба Довлеџик, во Карбинци – с. Долни Балван, во Штип гореше градска депонија, во Аеродром на ул. „Гаврил Константиновиќ“ и во Гази Баба кај стрелиште Камник.фф/лв/

Фото: МИА Архива

Информација за состојба со пожари (18.07.2025 до 18:30 часот)
  Денеска (до 18.30ч) се евидентирани вкупно 25 пожари на отворен простор низ земјата од кои:
 8 активни
 под контрола
 12 изгаснати
 АКТИВНИ ПОЖАРИ:
Василево – с. Нивичино (нискостеблеста шума)
Македонски Брод – с. Грешница (мешана шума и ниска вегетација)
Прилеп – помеѓу с. Царевиќ и с. Смолани (мешана шума и ниска вегетација)
Прилеп/Кавадарци – с. Никодин, с. Ракле, с. Фариш (ниска вегетација и ретка шума)
Липково – с. Виштица (ниска вегетација и стрниште)
Битола – населба Довлеџик, реактивиран (ниска вегетација)
Росоман – с. Трстеник (напуштени ниви)
Илинден – Индустриска зона Илинден (ниска вегетација, слама и објект)

 ПОЖАРИ ПОД КОНТРОЛА: