Скопје, 7 јули 2021 Вечерва во рамките на теренските активности „Најдоброто за нашата општина“, претседателот на СДММ, Марко Михаилоски придружуван од претседателот на ОО СДСМ Куманово, Мартин Костовски остварија маалска средба со граѓаните на Куманово. Михаилоски пред присутните се осврна на политиките кои ги таргетираат токму младите „го зајакнуваме студентскиот стандард и условите за живот преку реновирање на студентските домови, но и преку последната мерка субвенциониран студентски оброк со кој 15 милиони евра ќе завршат кај 40.000 редовни студенти, донесовме и закон за младинско учество и младински политики, со кој се креираат и обезбедуваат механизми за младите да влијаат во донесувањето одлуки и се гарантира нивното учество во креирањето политики и токму преку тој закон ќе се отворат младински центри во сите општини, а првиот веќе е отворен тука во Куманово“, токму поради ова ние зборуваме за најдоброто. Во однос на локалните проекти кои се реализирани во Куманово, а придонесуваат поквалитетен спортски активизам на младите од Куманово, Михаилоски ги одвои проектите како што се спортските објекти Соколана, спортската сала, градскиот стадион и стрелиштето, при што веќе е целосно реконструирано и ставено во употреба игралиштето во Соколана, а обезбедени се средства и за реконструкција на ентериерот и екстериерот на зградата на Соколана. Предвидени се средства и во наредниот период ќе бидат реконструирани и останатите спортски објекти, со што спортот и здравиот начин на живот повторно ќе дел од животот на кумановци. СДСМ продолжува да остварува секојдневни маалски средби ширум државата, ги слушаме потребите на граѓаните и ја креираме најдобрата понуда која ќе биде победничка на предстојните локални избори.   Со почит, СДСМ Центар за комуникации со јавноста __________________________________________________________________________________________________________________________________________________________________________________ МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.