Ливерпул, 3 јули 2020 (МИА) - Играчот од средниот ред на Баерн (Минхен) Тиаго Алкантара е блису до трансфер во Ливерпул. Според Sport.es, 29-годишниот шпански репрезентативец веќе ги договорил личните услови со „црвените“ и му соопштил на германскиот клуб дека сака да премине во екипата на Јирген Клоп. Договорот на Алкантара со Баварците е до летото 2021 година. Тој веќе одби да го потпише новиот договор што му беше предложен. Останува двата клуба да се договорат за финансиските услови. Баерн бара 35 милиони евра за Алкантара, но Ливерпул дефинитивно нема да се согласи да ја плати целата сума. Тимот од Мерсисајд ќе се обиде да ја намали цената, но ако тоа не се случи, тие ќе сакаат да преговараат за поприфатлива формула за плаќање, тврди шпанското издание.