Londër, 6 korrik 2025 (MIA) - Reprezentuesi spanjoll Martin Zubimendi është futbollisti i ri i Arsenalit, njoftoi sot klubi londinez. Zubimendi vjen në Arsenal nga Real Sosiedad.

Sipas mediave angleze, mesfushori 26-vjeçar ka nënshkruar kontratë shumëvjeçare me Arsenalin në transfer me vlerë rreth 59 milionë euro.

Për Zubimendin paradokohe u interesua edhe Reali i Madridit, ndërsa futbollisti spanjoll vitin e kaluar e ka refuzuar ofertën për transfer në Liverpul.

Zubimendi është përforcimi i dytë i Arsenalit në afatin kalimtar të verës, pasi portieri spanjoll Kepa Arizabalaga arriti nga Çellsi në transfer me vlerë pesë milionë funta. bsh/

Foto: EPA