Madrid, 8 qershor 2025 (MIA) - Real Madridi është i interesuar për transferimin e mesfushorit të Real Sosiedadit, Martin Zubimendi, raporton "AS".

Sipas portalit sportiv spanjoll, klubi madrilen do të tentojë të nënshkruajë me mesfushorin mbrojtës 26-vjeçar me kërkesë të Çabi Alonsos i cili mori drejtimin e klubit në verë.

Më parë, lojtari ka qenë pranë transferimit në Arsenal.

Zubimendi vjen nga shkolla e futbollit të Real Sosiedadit. Në sezonin 2024/25, ai luajti 48 ndeshje në të gjitha garat, shënoi dy gola dhe dy asiste.

Vlera e tij në treg sipas "Transfermarkt" është 60 milionë euro.

Foto: EPA