Beograd, 17 gusht 2025 (MIA) - Presidenti serb Aleksandar Vuçiq sot paralajmëroi "aksionvendimtar shtetëror për të rivendosur paqen dhe rendin në Serbi" dhe për "shkatërrimin" i akuzoi ata që i vunë flakën ambienteve të Partisë Progresive Serbe (SNS) dhe institucioneve shtetërore dhe sulmuan policinë në rrugë gjatë tubimeve.

Në një konferencë për shtyp në Pallatin Serbia në Beograd, ku mori pjesë shefi i policisë dhe Ministri i Punëve të Brendshme Ivica Daçiq, ai tha se qytetarët do ta shohin këtë "aksion vendimtar shtetëror brenda tre ose katër ditësh". 

 "Në një moment do ta shihni të gjithë fuqinë e shtetit të Serbisë dhe ne do të përdorim gjithçka që kemi në dispozicion për të rivendosur paqen dhe rendin në vend (...) dhe do të fitojmë", tha Vuçiqi.

Në kontekstin e protestave në Valjevë, Novi Sad dhe Beograd, sulmet ndaj policisë, prishjes së ambienteve të Partisë Progresive Serbe, ai i pyeti bartësit më të lartë të pozicioneve të prokurorisë nëse i njihnin dispozitat dhe përkufizimet e ligjit në lidhje me teorinë që citoi në konferencën për shtyp. 

 "Kam frikë se në ditët në vijim ata mund të vrasin dikë, përpara se ne formalisht të përgatisim ligjërisht gjithçka për reagimin e shtetit dhe gjithçka tjetër që është e nevojshme, kjo është e gjitha që u ka mbetur, ata po bënin gjithçka tjetër", tha Vuçiqi në një konferencë për shtyp në Pallatin Serbia.

 Ai, gjithashtu, tha se shteti do t'i mbrojë "të gjithë qytetarët nga dhuna ndaj tyre dhe pronës së tyre" dhe se reagimi i shtetit "do të jetë i ndryshëm" se më parë.

 Sipas tij, në dy-tre ditët e fundit janë lënduar 173 policë që ishin përgjegjës për ruajtjen e rendit dhe qetësisë publike gjatë tubimeve të paparalajmëruara.

  Foto: Arkivi i MIA-s