Shkup, 30 gusht 2024

Pa pasur për qëllim të cenojmë pavarësinë e Gjykatës Kushtetuese, konsiderojmë se është e domosdoshme të paralajmërojmë për rrezikun që çështja e përdorimit të gjuhës shqipe si gjuhë zyrtare të trajtohet si mundësi për llogaritje politike ditore.

Duke pasur parasysh faktin se iniciativa vjen nga një parti anti-NATO që glorifikon regjimin komunist të Enver Hoxhës, më e pakta që presim është që kjo të refuzohet me konstatimin se është një përpjekje për grusht shteti. Kjo veçanërisht për faktin se bëhet fjalë për kontestimin e procesit të hyrjes në fuqi të Ligjit për përdorimin e gjuhëve, pa u thelluar në përmbajtjen e tij.

Nëse një iniciativë e tillë eventualisht pranohet, atëherë hapet Kutia e Pandorës edhe për ndryshimin e emrit kushtetues, i cili gjithashtu u krye pa nënshkrimin e presidentit të atëhershëm të Republikës, Gjorge Ivanov. Ne nuk besojmë se Gjykata Kushtetuese duhet të kontribuojë në ndonjë rishikim të mundshëm të anëtarësimit tonë të plotë në aleancën më të fuqishme ushtarako-politike, Aleancën e NATO-s.

Qëndrimi ynë për balancerin është i qartë dhe është shprehur disa herë. Ky mekanizëm u bë objekt keqpërdorimi kur maqedonasit u deklaruan si shqiptarë për t'u punësuar në administratën shtetërore. Prandaj, mendojmë se është e nevojshme të miratohet Ligji për përfaqësim të drejtë.

Sa i përket moralistëve të rremë të opozitës shqiptare, të cilët në çdo kthesë kërkojnë arsye për të krijuar tensione ndëretnike me qëllimin e vetëm për të shpëtuar krimin familjar të Ali Ahmetit, u themi që t’i përgjigjen popullit shqiptar:

Çfarë bëtë pesë vite nga viti 2019 deri në vitin 2024 dhe pse nuk e hodhën poshtë mundësinë që Gjykata Kushtetuese të rishikojë përdorimin e gjuhës shqipe si gjuhë zyrtare?

Iniciativa e “Levicës” në Gjykatën Kushtetuese është dorëzuar në vitin 2019, kur BDI ishte në pushtet. Në atë kohë për kryetar të Gjykatës Kushtetuese ishte zgjedhur Sali Murati, i cili sot është deputet nga radhët e të ashtuquajturit “Front Evropian”.

Në vitet 2009 dhe 2014, ekipi i Ali Ahmetit, me urdhër të Nikolla Gruevskit dhe Sasho Mijallkovit, zgjodhën Gjorge Ivanovin për president të Republikës. Në vitin 2024, ata turpshëm nuk e mbështetën kandidaturën presidenciale të Arben Taravarit dhe kështu penguan shqiptarët që për herë të parë në histori të kenë shansin për fitore në raundin e dytë.

Kjo është një dëshmi e drejtpërdrejtë e hipokrizisë së BDI-së, të cilët në çdo hap lënë kurthe të fshehta për interesat e shqiptarëve. Është koha e fundit që të ndalojnë nënvlerësimin e inteligjencës së popullit shqiptar dhe të pranojnë përgjegjësinë për politikat e tyre të gabuara, të papërgjegjshme dhe kriminale.

Koalicioni VLEN

__________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit. 

Foto: Arkivi i MIA-s