VLEN: BDI e zhytur në korrupsion është pengesë për drejtësinë e vërtetë në rastin e "Llaskarcës"
- KUMTESË: Koalicioni VLEN e përshëndet vendimin e vonuar, por të domosdoshëm të Prokurorisë së Shkupit për të paraqitur ankesë kundër dënimit të papranueshëm dhe skandaloz të ulët të shqiptuar për rastin e Llaskarcës me pasoja tragjike. Ne përkrahim fuqimisht kërkesën për dënime më të rrepta ndaj të gjithë përgjegjësve të tjerë të përfshirë në këtë tragjedi. Kjo ngjarje e tmerrshme, e cila u përpoq të relativizohej dhe minimizohej nga regjimi i kaluar me kuadrin e korruptuar të BDI-së, kërkon drejtësi të plotë dhe të paanshme.
- Post By Arta Bunjaku
- 11:35, 25 gusht, 2024
![VLEN: BDI e zhytur në korrupsion është pengesë për drejtësinë e vërtetë në rastin e](https://mia.mk/images/20240825113550_big_730x400_16.webp )
Shkup, 25 gusht 2024
Koalicioni VLEN e përshëndet vendimin e vonuar, por të domosdoshëm të Prokurorisë së Shkupit për të paraqitur ankesë kundër dënimit të papranueshëm dhe skandaloz të ulët të shqiptuar për rastin e Llaskarcës me pasoja tragjike. Ne përkrahim fuqimisht kërkesën për dënime më të rrepta ndaj të gjithë përgjegjësve të tjerë të përfshirë në këtë tragjedi. Kjo ngjarje e tmerrshme, e cila u përpoq të relativizohej dhe minimizohej nga regjimi i kaluar me kuadrin e korruptuar të BDI-së, kërkon drejtësi të plotë dhe të paanshme.
Por pyetjet që shtrohen janë të pashmangshme. A është ky një rast tjetër ku kuadri i mykosur ndalojnë ndëshkimin e merituar të fajtorëve dhe zbardhjen e së vërtetës? Çfarë roli ka luajtur Valdet Xhaferi, ish-drejtori i Byrosë për ekspertizë ligjore, në zvarritjen e qëllimshme të ekspertizës së rastit Llaskarca?
Gjithashtu, duhet të dihet nëse pronarët e "Durmo Turs" janë të afërt me BDI-në, siç është folur shpesh në opinionin publik, dhe nëse ata janë bashkëpunëtorë të Talat Xhaferit. Pse të gjitha institucionet e përfshira në këtë rast kanë dështuar të japin një verdikt të drejtë dhe në kohë? Kush janë ata që fshihen pas këtyre veprimeve dhe po përpiqen të mbrojnë interesat e ngushta politike, duke penguar drejtësinë për viktimat dhe familjet e tyre?
Koalicioni VLEN kërkon transparencë të plotë dhe veprime konkrete nga të gjitha institucionet për të garantuar drejtësi për viktimat dhe për të gjithë qytetarët.
Koalicioni VLEN
foto: МIА arkivi
__________________________________________________________
МIА këto tekste i publikon në formë integrale dhe nuk mban përgjegjësi për përmbajtjen e tyre.