Uashington, 5 shkurt 2025 (MIA) - “Nëse e bëjnë këtë, do të shkatërrohen. Ky do të jetë fundi," tha Tramp në Dhomën ovale teksa nënshkroi urdhrin që përsëri të kryhet presion maksimal ndaj Teheranit.

Trampi drejtoi një paralajmërim për Iranin në përgjigje të pyetjes në lidhje me mundësinë që ai vend të përpiqet ta vrasë atë. Tramp tha se ai nuk dëshiron që të nënshkruajë atë urdhër kundër Iranit, por se është e nevojshme për të parandaluar Teheranin nga zhvillimi i armëve bërthamore.

"Kam lënë udhëzime. Nëse e bëjnë këtë, do të shkatërrohen. Nuk do të mbetet asgjë, ndërsa ata nuk duhet të munden ta bëjnë këtë. Bajden duhet ta kishte thënë këtë, por ai nuk e bëri kurrë. Nuk e di pse. Ndoshta për shkak të mungesës së inteligjencës”, tha Tramp.

Irani, gjoja, po përpiqet të vrasë Trampin dhe zyrtarë të tjerë nga administrata e tij e parë si hakmarrje për vrasjen e gjeneralit Kasem Sulejmani që Tramp e urdhëroi në vitin 2020. Sipas Kushtetutës së SHBA-së, nëse presidenti dhe zëvendëspresidenti vriten ose nuk mund të kryejnë detyrat e tyre, ata zëvendësohen nga kryetari i dhomës së lartë të Kongresit dhe më pas nga kryertari i përkohshëm i Senatit. Nëse edhe atyre u ndodh diçka, detyrat e presidentit kryhen nga ministrat, duke filluar nga Sekretari shtetëror. ls/