Uashington, 14 nëntor 2025 (MIA) – Presidenti amerikan Donald Tramp ka falur miliarderin dhe ish pronarin e klubit anglez të Premier ligës, Totenhem, Xho Luis (88), njofton Shtëpia e Bardhë.

Luis i cili jeton në Bahame u deklarua fajtor për tregti të brendshme në vitin 2024 dhe u gjobit me 5 milionë dollarë, por iu kursye burgu për shkak të moshës së tij të shtyrë.

Një zyrtar i Shtëpisë së Bardhë tha se Trampi miratoi faljen që Luisi e kërkoi në mënyrë që të mund të merrte trajtim mjekësor dhe të vizitojë nipërit dhe mbesat e tij në SHBA.

Luisi është themeluesi i "ENIC" i cili posedon 87.62 për qind të Totenhemit, ku diçka më shumë se 70 për qind kontrollohet nga fondacioni i familjes Luis.

Familja Luis këtë vit ka një rol gjithnjë e më aktiv në Totenhem, veçanërisht pasi Daniel Levi u shkarkua nga pozicioni i tij si kryetar ekzekutiv në shtator.

Vajza e Xhos, Vivien Luis, merr pjesë rregullisht në ndeshjet e klubit të Premier ligës në Londër, shpesh me vëllain e saj Çarls Luis dhe dhëndrin Nik Busher.

Sipas Forbes, pasuria e Luisit vlerësohet në 5.8 miliardë euro.

FOTO: EPA