Tiranë, 7 gusht 2023 (MIA)- Muaji gusht vazhdon të shënojë shifra të larta të lëvizjes në pikat kufitare me Greqinë dhe Maqedoninë e Veriut, ku në 24 orët e fundit në Kapshticë u regjistruan 5140 hyrje dhe 4270 dalje, ndërsa nga Qafë Thana hynë 2890 dhe dolën 2057 persona.

"Fluksi më i madh i lëvizjeve u vu re gjatë fundjavës, ku shumica e udhëtarëve janë emigrantë apo shtetas të huaj, të cilët vijnë për pushime në Shqipëri apo që largohen pasi i kanë përfunduar pushimet. Pavarësisht fluksit të shtuar të lëvizjeve, kalimi në kufi nuk ka qenë i vështirë dhe udhëtarët në pikën e kalimit kufitar të Kapshticës tregojnë se nuk ka pasur vonesa", njofton Top Çanell.

Për disa herë rritje të frekuentimit ka edhe në pikat e tjera kufitare në kufirin mes Shqipërisë dhe Maqedonisë së Veriut. Kjo është kryesisht në "Bllatë" afër Dibrës, sepse pas ndërtimit të autostradës "Rruga e Arbrit" distanca nga vendkalimi për në Tiranë është ulur në 80 nga 180 kilometrat e mëparshme.

Që nga 1 gushti, më shumë se 70 mijë persona janë regjistruar për hyrje-dalje nga të cilët për hyrje nga Maqedonia e Veriut në Shqipëri janë rreth 42.000 shtetas shqiptarë dhe të huaj.

Foto: Top Çanell, Fejsbuk Dimitar Kovaçevski