Shkup, 2 shtator 2024 (MIA) - Sekretarja e përgjithshme e Kuvendit të Republikës së Maqedonisë së Veriut, Marina Dimovska, bashkë me zëvendëssekretarin e përgjithshëm, Boban Stojanoski, sot realizuan takim pune me përfaqësuesit e Misionit të OSBE-së në Shkup.

Siç informojnë nga pres shërbimi qeveritar,  në takim u bisedua për bashkëpunimin e deritanishëm të suksesshëm midis Kuvendit dhe Misionit të OSBE-së në Shkup, projektet aktuale dhe realizimin e tyre, si dhe për prioritetet dhe nevojat e Kuvendit të Republikës së Maqedonisë së Veriut për planifikimin e projekteve të përbashkëta në të ardhmen.

Përfaqësuesit e Misionit të OSBE-së në Shkup informuan për aktivitetet lidhur me ngjarjet që duhet të realizohen në bashkëpunim me Kuvendin me fokus në dy fusha, barazinë gjinore dhe rolin mbikëqyrës të Kuvendit.

Sekretarja e përgjithshme Dimovska shprehu gatishmërinë për vazhdimin dhe intensifikimin e bashkëpunimit të përgjithshëm, i cili edhe në të ardhmen do të kontribuojë për efikasitet më të madh në punën e Kuvendit të Republikës së Maqedonisë së Veriut. 

 Foto: Kuvendi i Republikës së Maqedonisë së Veriut