Shkup, 3 dhjetor 2025 (MIA) - Të gjitha qeveritë bullgare deri më tani kanë pasur probleme me mbijetesën, dhe ajo që ndodhi me Qeverinë e kryeministrit Rosen Zhelazkov në një farë mënyre ngjalli shpresë tek të gjithë në vend, jashtë vendit, në KE, por edhe tek fqinjët tanë se më në fund ka një shans për stabilitet më të madh, por e patë shkas ishte votimi për buxhetin dhe tani po përballemi me probleme, thotë presidentja Gordana Siljanovska-Davkova, duke theksuar se "sigurisht, kjo gjithmonë reflektohet në marrëdhënien ndaj çështjeve aktuale, besoj edhe në çështjen ndaj nesh".

E pyetur në lidhje me protestat dhe trazirat politike në Bullgari dhe se si kjo do të ndikojë në marrëdhëniet me vendin tonë dhe kërkesat e tyre për ndryshime kushtetuese, Siljanovska-Davkova kujtoi se "ndryshe nga ne, partitë politike bullgare, liderët politikë bullgarë, veçanërisht deputetët, kanë votuar për disa dokumente, deklaratë e cila, siç thonë ata, i detyron të gjithë dhe vlen për të gjithë".

"Shpresoj që problemet do të zgjidhen edhe atje. Nuk mund të them se si, qoftë përmes zgjedhjeve të tjera të parakohshme apo duke rikompozuar vetë koalicionin, por është e rëndësishme të kemi një qeveri që do të jetë në gjendje të udhëheqë punët e vendit. Po, dëgjova edhe presidentin që bëri thirrje përsëri për zgjedhje të parakohshme. Ky është realiteti bullgar. Për sa na përket neve. Po. Këto ditë dëgjova edhe një herë qëndrimin e Këshillit Evropian në lidhje me ne, domethënë zbatimin e ndryshimeve kushtetuese si kusht për mbajtjen e konferencës së dytë ndërqeveritare", tha Siljanovska-Davkova.

Lidhur me kërkimin e zgjidhjeve, Presidentja Siljanovska-Davkova thekson se mjafton të hedhim një vështrim në garancitë kushtetuese në Kushtetutën Bullgare dhe t'i krahasojmë ato me garancitë kushtetuese në Kushtetutën tonë për të parë, thotë, një mospërputhje të madhe.

"Pra, unë do të isha e para që do të kërkoja ndryshime kushtetuese nëse kërcënohen të drejtat e pakicës bullgare në vendin tonë. Megjithatë, jo unë, por organi që krijoi Këshillin e Evropës, dhe vendimet e të cilit i referohen si KE-ja ashtu edhe Këshilli i Evropës, ky është Komisioni i Venedikut, e thotë qartë se nuk kemi probleme kushtetuese në aspektin e mbrojtjes së të drejtave të pakicave, sepse kemi përfshirë standardet më të larta në Kushtetutë, siç është integrimi i Marrëveshjes Kornizë në Kushtetutë, dhe kjo është treguar në preambulë, ndryshe nga fqinji ynë", tha Siljanovska-Davkova.

Dilema ime, tha ajo, është se sa njerëzore, sa politike është që ju nuk mund të formoni një shoqatë kulturore atje ose në regjistrim të mos shënoheni sepse në regjistrimin nuk hyjmë sikur të ketë një kolonë për maqedonasit sepse ka një kolonë për turqit, një kolonë për romët, një kolonë për serbët, nuk ka maqedonas, do të thotë ata janë nën të tjerët, dhe ne duhet të përfshijmë në preambulë jo të tjerë, por një pjesë të popullit bullgar.

"Edhe një informacion tjetër shumë i rëndësishëm, në Bullgari u bë një regjistrim i popullsisë në vitin 2021. Dhe atje, në regjistrim, 3.500 persona deklaruan se gjuha maqedonase është gjuha e tyre amtare, dhe si maqedonas u deklaruan, ashtu shkruan atje, 1.300 dhe nuk e di sa. Tani kini kujdes, në përgjigjen e EKRI-t, autoritetet bullgare përgjigjen se këta janë qytetarë që u deklaruan si maqedonas, "maqedonas" është vënë në thonjëza, dhe ky është një numër i parëndësishëm për të gëzuar mbrojtje të veçantë", theksoi Siljanovska-Davkova. ls/

Foto: MIA