• e martë, 23 korrik 2024

Siljanovska - Davkova nga Konferenca për Ukrainën: Nevojitet një plan i ri Marshall

Siljanovska - Davkova nga Konferenca për Ukrainën: Nevojitet një plan i ri Marshall

Shkup, 11 qershor 2024 (MIA) - Presidentja Gordana Siljanovska-Davkova sot nga Berlini, në margjinat e konferencës për rindërtimin e Ukrainës, porositi se Evropa ka nevojë për një plan të ri Marshall.

"Jemi përballur me një nevojë urgjente për një plan të ri Marshall. Atë që bëri SHBA-ja për Evropën e shkatërruar pas Luftës së Dytë Botërore, tani Evropa mund ta bëjë për Ukrainën. Ne edhe deri tani kemi treguar se jemi në përputhje me politikën e përbashkët evropiane dhe të sigurisë, ne nuk po ndihmojmë vetëm Ukrainën, si anëtare e NATO-s, duke ndarë dy për qind të BPV-së, por edhe aq sa kemi mundur politikisht, ushtarakisht. dhe ekonomikisht", theksoi Davkova.

Ajo theksoi se në konferencë u analizuan të arriturat e deritanishme, problemet, çfarë duhet bërë në të ardhmen për Ukrainën.

"Ne jemi një nga vendet më të varfra në Evropë dhe nuk mund të konkurrojmë me vendet e mëdha për sa i përket ndihmës, kur them vendet e mëdha, kam parasysh ndihmën ekonomike. Sigurisht që ka shumë hapësirë ​​për pjesëmarrje në të gjitha fushat tjera, do të vazhdojmë aty ku jemi ndalur për momentin", tha Siljanovska-Davkova.

Ajoshtoi se ne si shtet kemi përvojë pas shpërbërjes së ish-Jugosllavisë dhe se mund ta ofrojmë atë përvojë si ndihmë.

Davkova shprehu pritshmërinë e saj për t'u përballur me probleme si korrupsioni, sepse siç tha, ato gjithmonë shkojnë me luftëra, probleme të qeverisjes së mirë, ndërtimit të demokracisë...

Rindërtimi i Ukrainës, sipas presidentes Siljanovska-Davkova, është edhe rindërtim i solidaritetit dhe ndjeshmërisë evropiane dhe botërore.

Presidentja Siljanovska-Davkova shprehu shpresën se e ardhmja e Maqedonisë së Veriut dhe e Ukrainës do të jetë në Bashkimin Evropian. mb/

Foto: Kabineti i presidentes

 

 

 

 

 

 

 

 

QËNDRONI TË LIDHUR