Shkup, 28 dhjetor 2023 (MIA) - Lidhja e sindikatave të Maqedonisë e prezantoi metodologjinë e re të shportës minimale sindikaliste, e cila do të paraqesë bazë sipas së cilës sindikatat prej vitit 2024 do të angazhohen për rritje të rrogave të punëtorëve.

Sipas përllogaritjes së profesorëve dhe ish-ministrave të financave të cilët e përpunuan shportën e re minimale sindikaliste, Nikolla Popovski dhe Dragan Tevdovski, për nevojat themelore të një familjeje të prëbërë nga prindërit dhe dy fëmijë, të cilët janë nxënës, nevojiten 56.522 denarë.

Struktura e shportës, e cila nuk ka ndryshuar që prej vitit 2011, tani ka katër zëra të rinj apo gjithsej 11.

Në prezantim u cek se më vështirë e kanë familjet të cilat paguajnë qira, sepse shporta e tyre sindikaliste është më e shtrenjtë 21.324 denarë për shkak të shpenzimeve për qira, ujë, rrymë dhe ngrohje.

Kryetari i LSM-së, Sllobodan Trendafillov e theksoi rëndësinë e shportës minimale sindikaliste, për të ciln tha, se vendosja e saj në vitin 2011 ishte bazë për sjelljen e ligjit të ri për rrogën minimale. Shporta minimale sindikaliste, thotë Trendafillov, para disa viteve ishte argument kryesor për rritjen e rrogës minimale për 2806 denatë, më vonë për 2175 denarë, si dhe sipas përllogaritjeve të bëra për 2.500 denarë në mars të vitit të ardhshëm.

"Në periudhën e kaluar kemi dëgjuar kritika rreth përllogaritjes së shportës sindikaliste, prandaj vendosëm të angazhojmë sjpertë të shquar në fushën e tyre, ish-ministra të financave, të cilët do të japin kontribut të konsiderueshëm për mënyrën në të cilët ne do ta krijojmë metodologjinë e re për shportën minimale sindikaliste dhe e cila do t'i prezantojë nevojat themelore të një amvisërie katëranëtarëshe", theksoi Trendafillov.

Ministrja e Punës dhe Politkës Sociale, Jovanka Trençevska, e cila ishte e pranishme në prezantim, theksoi se është e kënaqur që në mandatin e saj janë bërë hapa të rëndësishëm në përmirësimin e të drejtave të punëtorëve, duke e cekur të dielën ditë jopune, Propozim ligjin e ti për marrëdh[nie të punës, marrëvehsjen e re kolektive, si dhe Ligjin për rrogën minimale. ab/

Foto: МIА