Shkup, 3 nëntor 2024 (MIA) - Moti sot do të jetë i ndryshueshëm, me vranësira dhe me periudha me diell, do të fryjë erë e matur deri e përforcuar nga drejtimi verior, ndërsa temperatura ditore do të shënojë rënie për 4 deri 6 gradë.

Siç kumtojnë nga Drejtoria për punë hidrometeorologjike (DPHM), temperatura minimale do të jetë në interval prej 0 deri 8 gradë, ndërsa maksimalja do të arrijë prej 13 deri 20 gradë.

Në Shkup moti do të jetë me vranësira, me periudha me diell dhe me temperaturë dukshëm më të ulët. Do të fryjë erë e matur deri e përforcuar nga drejtimi verior. Temperatura minimale do të zbresë deri 8, ndërsa maksimalja do të arrijë deri 19 gradë.

Gjatë javës së ardhshme, nga DPHM parashikojnë se temperaturat e mëngjesit në disa vende do të zbresin nën zero gradë, ndërsa të ditës vetëm diku-diku do të arrijnë 20 gradë.

Foto: МIА arkivi