Los Anxhelos, 7 prill 2023 (MIA) - Raperi amerikan, Kulio, me emrin e vërtetë Artis Leon Ajvi Xhunior, ndërroi jetë vitin e kaluar në moshën 59-vjeçare. Tani dihet edhe zyrtarisht arsyeja për vdekjen e tij.

Muzikanti i njohur ka ndërruar jetë nga doza e tepërt me "Fentanil", konfirmoi një përfaqësues i familjes së tij. 

Kulio gjatë gjithë jetës së tij luftonte me astmën, ndërsa edhe ka pirë duhan me vite të tëra, gjë që ka shkaktuar vdekjen e tij, si dhe konsumimi i barnave. Në gjakun e tij janë gjetur edhe gjurmë të heroinës dhe metamfetaminës. Ai, ishte gjetur i vdekur në shtëpinë e shokut të tij më 28 shtator 2022.

Kulio arriti famën botërore pas këngës „Gangsta's Paradise“ nga viti 1995. Për këtë hit të repit ishte shpërblyer me çmimin "Gremi" për perormancë më të mirë solistike në rep dhe shumë çmime të tjera. Ajo këngë vitin e kaluar shënoi miliarda klikime në "Jutjub". Në vitin 1995 u shpall si kënga më e shitur në listën "Bilbord hot 100". fc/