Plimuth, 31 dhjetor 2024 (MIA) – Klubi anglez i futbollit, Plimuth sot ka ndërprerë bashkëpunimin me trajnerin Vejn Runi, pas një serie prej nëntë ndeshjesh pa fitore.

Ish reprezentuesi anglez Runi mori drejtimin e Plimuthit në maj dhe largohet pas shtatë muajsh, duke lënë skuadrën në vendin e fundit në tabelë në Çempionship me 18 pikë nga 23 ndeshje.

“Plimuthi mund të konfirmojë se klubi dhe trajneri Vejn Runi kanë ndërprerë bashkëpunimin me dakordim të ndërsjellë dhe ky vendim do të hyjë në fuqi menjëherë”, thuhet në deklaratën e klubit.

Runi ka falënderuar pronarët dhe drejtuesit e klubit për bashkëpunimin dhe besimin e tyre, si dhe kolegët dhe tifozët për mbështetjen.

“Plimuthi do të ketë gjithmonë një vend të veçantë në zemrën time dhe unë do të vazhdoj të shikoj dhe ndjek rezultatet”, ka deklaruar Runi.

FOTO: X