Shkup, 1 prill 2026 (MIA) - Boshnjakët nga Shkupi dhe zonat përreth u organizuan në numër të madh në Çarshinë e Vjetër në frymën e bashkimit dhe sportit së bashku me të gjithë qytetarët e tjerë, duke mbështetur reprezentacionin e Bosnjës në ndeshjen kundër Italisë e cila u luajt mbrëmë në stadiumin në Zenicë.

"Честитки! Čestitke! Urime! Tebrikler!“, ishin disa nga urimet nga tifozët e të përzgjedhurit të Sergej Barbarezit.

Organizimi i ndjekjes së ndeshjes historike të "Dragonjve" u mbajt gjithashtu në të gjitha vendet ku jetojnë boshnjakët.

Ndeshja e plejofit përfundoi me rezultat të përgjithshëm 1:1, ndërsa në penallti 1:4 në të mirë të BeH-së.

Reprezentacioni boshnjak është kualifikuar në Kampionatin botëror për herë të dytë në historinë e vet. Ata luajtën për herë të parë në KB në Brazil në vitin 2014, ku nuk arritën kualifikim në fazën eliminatore.