Londër, 30 mars 2026 (MIA) – Mesfushori i Çellsit, Kol Palmer është gjithnjë e më i dëshpëruar me statusin e tij në klubin londinez dhe është i gatshëm të transferohet te Mançester Junajtedi.

Sipas "The Sun", anglezi 23-vjeçar, produkt i akademisë së Mançester Sitit është i pakënaqur me ndryshimet në taktikat e ekipit dhe spekulohet se do t'i mungojë loja përkrah Nikolas Xheksonit i cili aktualisht është në huazim te Bajerni i Munihut.

Eliminimi i Çellsit nga fazat eliminatore të Ligës së kampionëve mund të zvogëlojë më tej gjasat e ekipit për ta mbajtur mesfushorin i cili kërkohet edhe nga Real Madridi dhe Bajerni i Munihut, pavarësisht se Palmeri po vuan nga lëndime në ijë dhe gishtërinj këtë sezon.

Palmeri është te Çellsi që nga 1 shtatori 2023. Kontrata e tij është e vlefshme deri më 30 qershor 2033. Në sezonin 2025/26, ai shënoi 10 gola dhe tre asiste në 25 ndeshje.

"Transfermarkt" e vlerëson futbollistin në 110 milionë euro.

Foto: EPA