Shkup, 6 dhjetor 2023 (MIA) - Shefi i shtetit Stevo Pendarovski sot theksoi se zbatimi i një politike që nxit urrejtje etnike është e rrezikshme, veçanërisht për një shtet multietnik si Maqedonia e Veriut dhe një tragjedi si kjo e fundit me vrasjen e 14-vjeçares Vanja Gjorçevska dhe 74-vjeçarit Pançe Zhezhovski, është një praktikë veçanërisht e keqe për t'i dhënë konotacion etnik viktimave dhe autorëve.

Apelet nuk arrijnë tek subjektet politike që të gjitha tragjedive u japin konotacion etnik, duhet veprim i shtetit juridik.

Sot, në margjinat e Forumit të Hapur Kundër Korrupsionit, duke iu përgjigjur pyetjeve të gazetarëve për të dhënë një mesazh për opinionin, ai theksoi se është një tragjedi në të cilën humbën jetën dy bashkëqytetarë tanë dhe për ata që përhapin gjuhën e urrejtjes dhe nxitjen e jotolerancës etnike, ai theksoi se beson se apelet nuk arrijnë në vetëdijen e tyre dhe është e nevojshme që shteti juridik të ndërmarrë hapat e nevojshëm.

“Tani ju po më kërkoni një mesazh për opinionin, mendoj se kjo nuk prek në ndërgjegjen e tyre. Thjesht kështu janë të prerë, kështu mendojnë se duhet bërë politika, gjë që është jashtëzakonisht e rrezikshme për një vend si Maqedonia, me një strukturë kaq të brendshme etnike dhe fetare, të luajnë me këto gjëra, me këtë gjuhë urrejtjeje. Mendoj se ata persona dhe parti duhet të sanksionohen. E thënë thjesht, nuk ka nevojë për apele, kjo nuk prek ndërgjegjen e tyre, nuk e percepton mendja e tyre. Dhe është e nevojshme që shteti juridik të ndërmarrë hapat e nevojshëm lidhur me këtë... Kjo praktikë, kjo praktikë e keqe, që të gjithë autorët apo viktimat të shihen vetëm nga prizmi etnik, ndërsa rasti i fundit tragjik nuk ka asnjë komponent etnik, ndodh tek subjekte të caktuara politike dhe tek politikanë apo individë të caktuar, me vite të tëra”, theksoi Pendarovski.

Këto subjekte, siç tha presidenti i shtetit, i drejtohen një politike të tillë, sepse nuk kanë oferta të tjera specifike politike.

“Pse e bëjnë, se nuk janë të vetëdijshëm për rrezikun. Nëse angazhoheni në retorikë me ngjyrime etnike, në të njëjtën mënyrë do t'ju përgjigjet edhe pala tjetër etnike. Dhe këtë e bëjnë sepse nuk kanë ofertë reale politike. Çfarë do të ofrojnë, përveç kërcënimeve, nëse të tillët vijnë në pushtet, do të jetë kështu, në njërën anë do të jenë shqiptarët, në anën tjetër maqedonasit, kjo nuk do të jetë diçka e mirë”, tha Pendarovski.

Ai po ashtu tha se ngjarja e fundit tragjike është tragjedi për dy bashkëqytetarë tanë, por edhe se të dyshuarit për momentin janë vetëm të akuzuar dhe se duhet respektuar prezumimi i pafajësisë, gjegjësisht të pritet rezultati i procesit gjyqësor.

“Megjithatë, sidomos i pandehuri i parë është i njohur për një retorikë të tillë, me gjuhë urrejtjeje, me dekada e dekada më parë dhe askush nuk i ka bërë asgjë. Pra edhe ai ishte në politikë. Politikat e partisë së tij përmes gojës së tij vetëm përhap urrejtje ndaj disa bashkësive etnike që jetojnë në Maqedoni. Ndaj nuk më habit fakti që një retorikë të tillë, e cila i parapriu krimit, tani po i përgjigjen të tjerë me strukturë të ngjashme, politikanë apo personazhe publike, apo persona aktivë në rrjetet sociale, të cilët thjesht po vazhdojnë atë që ai ka bërë prej vitesh, dhe fatkeqësisht sistemi nuk ka reaguar, tha Pendarovski.

Ndërkohë në rrjetet sociale është krijuar një grup, i cili aktualisht numëron rreth 90 anëtarë, i cili kërkon drejtësi për Pallçon. Në grupin e titulluar “Drejtësi për Pallçon, drejtësi për Vanjën, drejtësi për Pançon, drejtësi për Maqedoninë”, anëtarët parashtrojnë teori konspirative se rasti është inskenuar për ta larguar Pallçon nga skena politike. Në teoritë e tyre konspirative, të djathtët radikalë besojnë se rasti është sajuar nga UDBA, CIA dhe NATO për të "frikësuar nxitjen maqedonase për patriotizëm dhe për të mbrojtur pastërtinë kanonike të Ortodoksisë".

Ministri Oliver Spasovski mbrëmë në konferencën për shtyp ku u njoftua arrestimi i të dyshuarit të parë Lupço Palevski-Pallço në Turqi, theksoi se askush nuk mund ta rrezikojë paqen dhe stabilitetin në vend dhe se partia e Palevskit duhet të çregjistrohet.

Palevski është arrestuar dje në Turqi, ndërsa nga Ministria e Drejtësisë informojnë se autoritetet kompetente turke kanë kërkuar që ai të mbahet në paraburgim për shkak të ekstradimit deri në përfundim të procedurës. Nga Ministria e Drejtësisë thonë se presin që Turqia të veprojë menjëherë sipas kërkesës së tyre.

Për katër të dyshuarit e tjerë, gjyqtari i procedurës paraprake në Gjykatën Themelore Penale të Shkupit, me kërkesë të Prokurorisë Publike i ka caktuar masën e paraburgimit në kohëzgjatje prej 30 ditësh dhe ka hapur procedurë hetimore për dy vrasje në mënyrë brutale, pas denoncimit penal nga Ministria e Punëve të Brendshme.

Të dyshuar për vrasjen e Vanjës dhe Pançes, përveç Palevskit, janë edhe bashkëpartiakët e tij nga partia “E djathta“ (Desna), Velibor Manev, Vllatko Keshishov dhe Bore Videvski, të cilët e kanë pranuar fajin. Në këtë rast, sipas hetimeve, është i përfshirë edhe babai i Vanjëas, Aleksandar Gjorçevski, i cili dyshohet se ka ndarë informacione me të dyshuarit e tjerë për lëvizjen e vajzës së tij, por siç kanë njoftuar dje nga Prokuroria, ai i ka mohuar këto veprime.

Foto: arkivi i MIA-s/kabineti i presidentit të shtetit/Fejsbuk