Helsinki, 12 korrik 2024 (MIA) - Parlamenti i Finlandës ka miratuar ligjin kontrovers për kthimin e emigrantëve nga kufiri me Rusinë. Kjo do të lejojë policinë kufitare t'i refuzojë kërkesat për azil nga migrantët e vendeve të treta që përpiqen të hyjnë në territorin finlandez nga Rusia fqinje.

 Sipas ligjit, policia kufitare do të kishte autorizim për t'i bllokuar azilkërkuesit pasi më shumë se 1.300 migrantë të paligjshëm mbërritën në kufirin e Finlandës me Rusinë vitin e kaluar, duke e detyruar Helsinkin ta mbyllë.

 Finlanda akuzon Rusinë fqinje se po zhvillon një "luftë hibride" dhe se përdor migrimin si armë, duke inkurajuar një numër të madh azilkërkuesish nga vende si Siria dhe Somalia të kalojnë kufirin ruso-finlandez. Kremlini e hodhi poshtë këtë pretendim.

 Foto: EPA