• e enjte, 18 korrik 2024

Për Kovaçevskin presidenti Pendarovski ka kapacitet për të fituar, Mickoski konsideron se Siljanovska do ta kompensojë atë që është lëshuar në pesë vitet e fundit

Për Kovaçevskin presidenti Pendarovski ka kapacitet për të fituar, Mickoski konsideron se Siljanovska do ta kompensojë atë që është lëshuar në pesë vitet e fundit

Shkup 3 prill 2024 (MIA) - Lideri i LSDM-së Dimitar Kovaçevski sonte në duelin me kryetarin e VMRO-DPMNE-së, Hristijan Mickoski "Samo vistina" (Vetëm e vërteta) në Kanal 5 tha se presidenti Stevo Pendarovski ka kapacitet për të fituar, ndërsa Mickoski, nga ana tjetër vlerësoi se kandidatja e tyre Gordana Siljanovska-Davkova do ta kompensojë atë që ka munguar në pesë vitet e fundit gjatë mandatit të Pendarovskit.

"Në LSDM jemi të bindur se do ta fitojmë besimin e qytetarëve për formimin e Qeverisë së ardhshme proevropiane të Maqedonisë, ndërsa Stevo Pendarovski do të rizgjidhet president i vendit - sepse ne kemi një vizion shumë të qartë dhe një plan shumë të qartë për të ardhmen evropiane të vendit i cili bazohet në vendime të guximshme dhe vizion të qartë dhe një plan të qartë për si të bëhet kjo", tha Kovaçevski në pyetjen nga gazetarët se çfarë lloj presidenti i duhet vendit.

Sipas tij, Pendarovski është zgjedhja e tyre për kandidat sepse, siç tha, në mandatin e kaluar ka treguar se është president i të gjithëve, se përfaqëson vlerat progresive dhe politikat progresive si të LSDM-së ashtu edhe të koalicionit që e përkrah, por mbi të gjitha qytetarët dhe prandaj, shtoi ai, "kandidaturën e tij e kanë përkrahur praktikisht mbi 22.000 nënshkrime të qytetarëve, përveç partnerëve të koalicionit të LSDM-së dhe koalicionit për ardhmërinë evropiane", tha ai.

Ai vlerësoi se Pendarovski ka dëshmuar se është president i të gjithë qytetarëve i cili nuk i ka ndarë qytetarët në asnjë bazë i ka përfaqësuar të gjitha interesat strategjike të shtetit, nuk ka bërë asnjë gabim strategjik, ishte një nga aktorët kryesorë për anëtarësimin e vendit në NATO dhe fillimin e negociatave me BE-në dhe në kohë krize.

Lideri i VMRO-DPMNE-së, Hristijan Mickoski, gjithashtu nga ana tjetër, tha se LSDM-ja ka kohë që është në kërkim dhe më në fund ka gjetur njeriun që është gati të humbasë dhe nuk ka shembull më të mirë se Stevo Pendarovski si njeri i gatshëm. për të humbur, për të përjetuar debakël në zgjedhjet e ardhshme presidenciale dhe kjo do të bëhet e qartë më 24 prill.

"Mendoj se në kundërshtim me atë që tha Dimitar Kovaçevski, mendoj se Stevo Pendarovski si president nuk ka treguar asgjë, gjë që i dha titullin president. Qytetarët e panë se është shembull i shkëlqyer i një njeriu profili i të cilit nuk i përshtatet të jetë president i vendit, aq më tepër të jetë baba i kombit, sepse nuk arriti ta bashkojë kombin", konsideron Mickoski.

Mickoski tha se partia e tij beson se "atë që Maqedonia e humbi në pesë vitet e fundit derisa ishte president Stevo Pendarovski, do ta kompensojmë shumë shpejt në pesë vitet e ardhshme kur Gordana Siljanovska Davkova të jetë presidente e Maqedonisë".

Ai theksoi se Pendarovski nuk posedon asnjë karakteristikë presidenciale që do të duhej të ishte vendimtare që qytetarët ta votojnë për të. qa/

 

QËNDRONI TË LIDHUR