Erevan, 31 korrik 2024 (MIA) - Trajneri i kampionit të futbollit në RMV, Struga TL, Qatip Osmani i ka shprehur të gjitha përshtypjet pas ndeshjes me Pjunik në Erevan. Struganët kanë humbur me 3:1 dhe janë eliminuar nga Liga e konferencës.

Golin e tretë, ekipi kundërshtar i Armenisë e ka shënuar në minutën 90+6.

"Në pjesën e parë nuk ishim në nivelin e duhur. I dhamë kundërshtarit shumë hapësirë ​​për të na sulmuar para portës sonë dhe si rezultat i pranuam të dy golat. Falë Ibrahimit arritëm të rikthehemi në fund të pjesës së parë. Mund të them se pjesa e dytë ishte e barabartë, u përpoqëm disa herë të rrezikonim drejt portës kundërshtare, por pa sukses. Në fund ndodhi ajo që ndodhi, pranuam golin e tretë, i cili na eliminoi nga garat evropiane", deklaroi Osmani.

Edhe pse ambicjet e Struga TL ishin shumë të mëdha, kësaj radhe garën e përfunduan në xhiron e dytë të eliminimit. Fitorja 2:1 në ndeshjen e parë në Ohër u tregua e pamjaftueshme për përfaqësuesen e Maqedonisë. mb/

Foto: Struga TL