Milano, 12 janar 2025 (MIA) - Një nga krerët e Milanit, Zlatan Ibrahimoviq, ka thënë se nuk ka nevojë ta bindë ish bashkëlojtarin e tij Markus Rashford për t'iu bashkuar klubit.

Siç dihet, anësori i majtë i Mançester Junajtedit është objektivi kryesor për transfer të "kuqezinjve" këtë muaj.

"E njoh shumë mirë Rashfordin. Kam luajtur me të kur ai ishte i ri dhe tani është rritur dhe ka bërë gjëra të mëdha me Mançester Junajtedin. Mendoj se nuk ka nevojë ta bind, sepse Milani është ndër klubet më të mëdha në botë dhe të gjithë duan të vijnë këtu. Nuk është një operacion i lehtë për momentin, por ende nuk kemi folur me të. Do të shohim nëse mund ta bëjmë këtë”, ka thënë Ibrahimoviqi para barazimit të mbrëmshëm 1-1 me Kaljarin.

Foto: arkivi