Shkup, 31 tetor 2023 (MIA) - Prokurori publik nga Prokuroria Themelore Publike- Shkup ka lëshuar urdhër për obduksion të trupit të një gruaje 79-vjeçare e cila ndërroi jetë pasi më shumë se 10 ditë ishte shtruar në spital pas helmimit familjar me ushqim shtëpiak në Shkup.

Më parë kishte ndërruar jetë një 47-vjeçare, ndërsa një burrë 55-vjeçar është liruar për mjekim në shtëpi.

"Prokurori publik kompetent është duke punuar në konstatimin e shkaqeve të helmimit. Nga shtëpia e familjes janë marrë rreth 20 gjurmë të ndryshme për të cilat është dhënë urdhër për ekspertizë. Gjithashtu është dhënë urdhër për sigurimin e historive mjekësore të tre pacientëve. Po ndërmerren edhe aktivitete tjera", thuhet në kumtesën e sotme të Prokurorisë publike. ms/

Foto: arkivi i MIA-s