Dibër, 18 shtator 2025 (MIA) - Në dy komunat në pjesën më perëndimore të vendit, Dibër dhe Qendër Zhupë, në listën e vetme zgjedhore ka më shumë votues se sa banorë. 

Në komunën e Dibrës, sipas listës së fundit ka 15.412 banorë ndërsa në listën zgjedhore janë 19.763 persona me të drejtë vote ose 4.351 persona më shumë. Në komunën fqinje Qendër Zhupë, në regjistrim janë numëruar 3.720 ndërsa në listën zgjedhore ka 7.551 ose më shumë për 3.821 persona me të drejtë vote. 

Për dallim nga Komuna e Dibrës, ku deri tani ishte siguruar numri i nevojshëm i votuesve, në Komunën e Qendër Zhupës, në zgjedhjet e tetorit të vitit 2021, minimumi i nevojshëm i censusit prej 1/3 ose 33 për qind nuk u sigurua. Për këtë arsye, me vendim të Qeverisë, kryetari i Komunës, Arian Ibraim u emërua si i besueshëm për kompetencat e kryetarit të komunës deri në zhvillimin e zgjedhjeve të jashtëzakonshme, në të cilat Ibraim e siguroi mandatin e dytë. 

Të dyja komunat janë të njohura si komuna emigrante për shkak të migracionit masiv, e cila më shumë ndjehet në komunën e Qendër Zhupës, ku mbi 70 për qind e popullsisë ka emigruar në ndonjë vend të Evropës Perëndimore.

Në zgjedhjet e ardhshme në të dyja komunat ka nga tre kandidatë për kryetar komune dhe nga pesë lista kandidatësh për anëtarët e këshillave komunale.

Në garë për kryetar të Komunës së Dibrës janë Fisnik Mela, nga koalicioni VLEN, Ilirian Fetahu nga Koalicioni AKI dhe Ramadan Imeri, kandidat i pavarur. Për Këshillin prej 15 anëtarësh, lista kanë koalicionet e drejtuara nga LSDM-ja, VMRO-DPMNE, VLEN dhe AKI, si dhe një listë e pavarur.

Në Komunën e Qendër Zhupës për kryetar komune kandidon kryetari aktual Arian Ibraim, nga Partia Demokratike Turke (PDT), i cili do të luftojë për mandatin e tretë, Alil Emrulla, nga partia Lëvizja për unitetin kombëtar të turqve (LUKT) dhe Inajet Baki nga Partia për Lëvizje të Turqve (PLT). Të tre partitë si dhe VMRO-DPMNE-ja dhe LSDM-ja kanë lista të këshillit, i cili numëron 9 anëtarë ose dy më pak se më parë qa/

Foto: MIA, Komuna Qendër Zhupë