Shkup, 20 korrik 2025 (MIA) - Gjykata Penale e miratoi aktakuzën kundër ish-drejtorëve të Klinikës për Radioterapi dhe Onkologji, Nino Vasev dhe Nahad Nuhi, për keqpërdorim, mashtrim dhe përvetësim në shërbim nga viti 2018 deri në vitin 2022. Sipas aktakuzës, ata kanë siguruar medikamente në mënyrë të paligjshme, i kanë fshehur ato përmes tenderëve fiktivë dhe kanë përvetësuar një pjesë të terapisë, duke dëmtuar kështu buxhetin pothuajse 36 milionë euro. Vasevi akuzohet edhe në një rast tjetër për trajtim neglizhent të pacientëve në klinikë.

 Në aktakuzë qëndron se veprën penale "keqpërdorim të pozitës zyrtare" të akuzuarit,  drejtorë mjekësorë dhe organizativë, duke tejkaluar kufijtë e autoritetit të tyre zyrtar dhe duke mos e kryer detyrën e tyre zyrtare në procedurat për furnizimin e medikamenteve, duke vepruar në kundërshtim me Ligjin për Mbrojtjen e Shëndetit, Ligjin për Sigurim Shëndetësor, Statutin e Klinikës, Ligjin për Buxhetet dhe Ligjin për Furnizime Publike. Me këto veprime, ata kanë përfituar dobi të konsiderueshme materiale për një tjetër dhe kanë shkaktuar dëm në Buxhetin e Republikës së Maqedonisë së Veriut në një shumë totale prej mbi 2.2 miliardë denarë.

 Gjithashtu, të dy akuzohen për mashtrim në shërbim, sepse kanë kryer veprime të shumëfishta të lidhura në kohë që përbëjnë kryerje të shumëfishta të të njëjtit veprim, duke përfituar nga e njëjta marrëdhënie e përhershme dhe të njëjtat rrethana, në mënyrë që gjatë kryerjes së detyrave të tyre zyrtare me qëllim të përfitimit të paligjshëm pasuror për një tjetër, kanë krijuar një detyrim të paligjshëm dhe e mashtruan Fondin për e Sigurim Shëndetësor të Republikës së Maqedonisë së Veriut për të bërë një pagesë të paligjshme. Në këtë mënyrë, përfituan një përfitim të konsiderueshëm për furnizuesit e medikamenteve në një shumë të përgjithshme prej mbi 430 milionë denarë.

 Njëkohësisht, drejtori mjekësor i akuzuar, i ndihmuar nga drejtori organizativ, ka kryer vepër penale - përvetësim në shërbim, sepse përmes procedurave për furnizimin me medikamente, ka siguruar një sasi medikamentesh që ka pasur ndërmend t’i përvetësojë, dhe pasi e ka përshkruar dhe miratuar medikamentin me firmën e tij, në mënyrë fiktive i ka hequr një pjesë të medikamenteve, përkatësisht nuk i ka aplikuar ato tek pacientët në emër të të cilëve janë kërkuar këto medikamente, kështu që ekziston një ndryshim midis sasisë së nevojshme të regjistruar për pacient dhe sasisë së hequr për pacientët në shumë prej rreth 2 milionë denarë.

 Aktakuza e dytë në rastin "Onkologji" ka të bëjë me katër mjekë, përfshirë ish-drejtorin e Klinikës, Vasev. Ai, së bashku me një mjek tjetër, akuzohet për vepra të rënda kundër shëndetit të njeriut dhe trajtim të papërshtatshëm, në të cilat ka aplikuar terapi të papërshtatshme tek 29 pacientë në kundërshtim me udhëzimet onkologjike. Disa nga terapitë janë miratuar me faksimil dhe fjalëkalim të të akuzuarës së dytë.

Dy mjekët e tjerë akuzohen për trajtim të papërshtatshëm, sepse u kanë dhënë terapi të avancuar pacientëve tek të cilët nuk mund të kishte efekt, me dozë të pasaktë dhe pa të dhëna bazë, që e ka përkeqësuar gjendjen e pacientëve. 

 Gjykimi në këtë rast ishte caktuar për 11 korrik, por u shty për më 5 shtator për shkak të mungesës së të akuzuarës Meri Peshevska. Në bankën e të akuzuarve atëherë u ulën vetëm i akuzuari i parë Nikolla Vasev dhe dy të onkologë të akuzuar Simonida Cërvenkovska dhe Dragan Jakimovski, ndërsa për Peshevskën, avokati i saj mbrojtës i dorëzoi Gjykatës dokumentacionin mjekësor nga 10 korriku dhe një kërkesë për shtyrjen e seancës së sotme.

Hetimin PTHP Shkup e përfundoi më 22 maj të këtij viti dhe në Gjykatën Penale ngriti dy aktakuza për rastin "Onkologjia". 

Foto: Arkvi i MIA-s