Shtip, 29 korrik 2024 (MIA) - Për modelin e reformave gjyqësore të cilin e propozuam, jemi të gatshëm që të bisedojmë dhe të dëgjojmë edhe model tjetër, por nuk mundemi më si gjeneratë të jetojmë në shtet në të cilin sistemi gjyqësor ka besim te qytetarët prej dy për qind, deklaroi kryeministri Hristian Mickoski. 

"Unë jam për atë që reformat në drejtësi të bëhen menjëherë dhe gjyqësori të gjykojë dhe të sjellë drejtësi menjëherë dhe të mos ketë një rejting dy për qind. Nëse do të kisha rejting dy për qind, do të largohesha nga politika. Ndërsa ata në vend që të largohen dhe në vend që të marrin përgjegjësi, po luftojnë për karriget. Unë jam gati të flas me këdo për çdo reformë që ata ofrojnë. Ne kemi komunikim jashtëzakonisht cilësor me ambasadorin Gir për këtë temë dhe besoj absolutisht se diçka duhet bërë. Ne e dimë atë. Ne e dimë këtë model që propozuam, jemi gati të diskutojmë dhe të dëgjojmë një model tjetër, por nuk mund të jetojmë më si gjeneratë në një vend ku pushtetarët politikë ulen në veshin e prokurorëve dhe ku sistemi i drejtësisë te qytetarët ka besim prej 2 për qind. Njerëzit nuk duan të jetojnë në një vend të tillë. Kjo është arsyeja pse ata largohen. Shumë më pak largohen për arsye ekonomike. Ata largohen sepse ndihen si qytetarë të dorës së dytë në vendin e tyre. Pak njerëz të fuqishëm janë qytetarë të klasit të parë, ne të gjithë jemi qytetarë të klasit të dytë. Dhe kjo është arsyeja pse unë po e propozoj këtë - t'i mbajmë njerëzit në shtëpi, që të mos dalin jashtë. Ky është thelbi", tha Mickoski në një pyetje të gazetarëve pas prezantimit të gjashtë automjeteve të reja të blinduara të lehta JLTV në kazermën "Jane Sandanski".

Programi i Qeverisë parasheh që Këshilli Gjyqësor dhe Këshilli i Prokurorëve Publik plotësisht të shpërbëhen dhe në vendin e tyre gjykatësit dhe prokurorët vetë të zgjedhin anëtarë të rinj të besueshëm. fc/

Fotografia: Arkivi i MIA-s