Shkup, 17 shtator 2025 (MIA) - Kryeministri Hristija Mickoski bëri të ditur se tashmë ka procedura për disa tregtarë për shkak të situatës me çmimet e ushqimit dhe se është i bindur se, siç deklaroi sot, sjellja devijuese midis rrjeteve të supermarketeve do të reduktohet në minimum.

Në pyetjen e gazetarëve në lidhje me indekset e çmimeve bujqësore në gusht të këtij viti, Mickoski theksoi se shpenzimet e inputeve në krijimin e produkteve bujqësore janë rritur me mbi dy për qind, ndërsa për autputit, çmimi me të cilin bujqit e shesin produktin, për mbi 12-13 për qind. 

"Atë prodhim ata e shesin ose në markete ose direkt te tregtarët. Më parë, situata në pjesën e autputit ishte negative sepse elita të caktuara politike në bashkëpunim me tregtarë të caktuar e mbanin me vetëdije çmimin e autputit të ulët, domethënë çmimin me të cilin bujqit i shesin produktet e tyre dhe shpesh punonin sipas parimit gjysmë për gjysmë. Kjo nuk është diçka e re, këtë e thonë vetë disa nga tregtarët që kanë bashkëpunuar me njerëz të tillë që në atë kohë mbanin pozicione drejtuese në shtet dhe në Ministrinë e Bujqësisë. Po pyetni nëse ato produkte do të kenë një çmim më të lartë kur të vijnë në raftet e marketeve. Po, supozoj se do të jetë kështu, por ajo që nuk na inkurajon është se në bazë mujore, në gusht krahasuar me korrikun, kemi një rënie përfundimtare, domethënë, pas disa vitesh, ushqimi është në minus, për 0,7 për qind", tha Mickoski gjatë vizitës së sotme në Kumanovë.

 Pres, shtoi, që ky trend të vazhdojë edhe në periudhën e ardhshme

"Përmes Inspektoratit Shtetëror të Tregut dhe Komisionit për Mbrojtjen e Konkurrencës çdo ditë kryejmë inspektime, monitorojmë trendet dhe jam i bindur se ky lloj sjelljeje devijante midis rrjeteve të supermarketeve në periudhën e ardhshme do të reduktohet në minimum", theksoi Mickoski.  

 Duke komentuar indikacionet e bujqve se rishitësit dhe tregtarët kanë një fitim të madh dhe se çmimi përfundimtar për qytetarët është shumë i lartë, Mickoski tha se çmimet me të cilat bujqit shesin produktet e tyre janë historikisht më të lartat, por se tregtarët vendosin një marzhë jologjike.

"Jo pak, pak më shumë nga tregtarët vendosin një marzhë që është e palogjikshme. Çmimet me të cilat bujqit shesin produktet e tyre janë historikisht më të lartat. Tani speci për ajvar, por edhe nëse kthehemi prapa dhe domatet, trangujt, lakra, qepët dhe të gjitha produktet e tjera, tani rrushi, do të shihni se çmimet tani janë historikisht më të larta, dhe kjo dëshmohet edhe nga eksporti pothuajse i dyfishuar i ushqimit krahasuar me vitin e kaluar, veçanërisht produkteve bujqësore. Po monitorojmë sjelljen e tregtarëve dhe për sa jam i informuar, disa prej tyre kanë veprime dhe procedura të caktuara para institucioneve. Ato tashmë janë procesuar, vetëm duhet të hyjnë në fazën përfundimtare", tha Mickoski. 

 Ai komentoi edhe të dhënat e fundit për gjendjen e industrisë, duke theksuar se tregtia në industri në pjesën e shkëmbimit me jashtë është madje është rritur më shumë sesa tregtia në industrinë në vend. 

"ESHS  dje njoftoi se tregtia në industri është rritur me 13-14 për qind në korrik krahasuar me të njëjtin muaj të vitit të kaluar dhe ky është një trend që nuk e ndjek të gjithë vitin, por ajo që më bie në sy është se gjatë gjithë vitit tregtia në industri në pjesën e shkëmbimit me jashtë  është madje rritur edhe më shumë se tregtia në industri në vend. Flas për më shumë se 15 për qind dhe ky është rezultati i vetëm në Evropë ku kemi një rritje kaq të fortë të tregtisë në industri", tha Mickoski.

 Kjo, shtoi, është një tregues i mirë sepse korriku është muaji i parë i tremujorit të tretë. Në tremujorin e parë patëm rritje të PBB-së prej 3,2 për qind, në tremujorin e dytë 3,4 për qind, megjithëse nominale është 7,8 për qind. Pres që kjo rritje të vazhdojë në tremujorin e tretë dhe të katërt deri në fund të vitit. Këta janë tregues që nuk kemi qenë as afër arritjes me vite, e lëre më të komentojmë, deklaroi kryeministri Hristijan Mickoski.

Foto: printskrin