Barcelonë, ​​4 nëntor 2024 (MIA) - Sulmuesi i Inter Majamit dhe Argjentinës, Lionel Mesi mund të kthehet në Barcelonë para Kupës së botës 2026. Kështu bën të ditur portali “GolDigital”.

Kontrata e sulmuesit me klubin nga MLS skadon më 31 dhjetor 2025, kur ai do të jetë 39 vjeç. Pas kësaj, Mesi mund të largohet nga Majami dhe të shkojë në Barcelonë si lojtar i lirë për t'u përgatitur më mirë për Botërorin e fundit të karrierës së tij.

Thuhet se ky opsion është mirëpritur personalisht nga presidenti i klubit katalunas, Zhoan Laporta.

Mesi luajti për ta nga viti 2004 deri në vitin 2021. Ai luajti për klubin gjithsej 778 ndeshje, shënoi 672 gola dhe 303 asiste. Me klubin katalunas, argjentinasi u bë 10 herë kampion i Spanjës dhe 4 herë fitues i Ligës së kampionëve.

Foto: EPA