Mançester, 18 prill 2025 (MIA) - Mbrojtësi i Mançester Junajted, Hari Meguaer e ka përshkruar si të çmendur fitoren e mbrëmshme me rezultatin 5:4 ndaj Lionit në ndeshjen kthyese të çerekfinales së Ligës së Evropës.

"Nëse e kërkoni fjalën 'çmenduri' në fjalor, me siguri më së miri do t'i përgjigjet për këtë ndeshje. Ishte lojë e çmendur dhe është e pabesueshme se si kemi ardhur deri te rezultati që na mundësi të shkojmë më tej", tha Meguaer, i cili e shlënoi golin e fitores për Mançester Junajted në momentet e fundit të ndeshjes.

Pasi ndeshja e parë në Lion përfundoi baraz 2:2, Junajted në ndeshjen kthyese në Old Traford ishte në epërsi 2:0 në 45 minutat e para me golat e Ugartes (11) dhe Dalot (45+1). Megjithatë Lioni barazoi në pjesën e dytë me golat e Tolisos (71) dhe Talafikos (78) dhe vijuan vazhdimet. 

Ekipi francez vazhdimet i filloi me një lojtar më pak për shkak të përjashtimit të Tolisos në minutën e 89-të. Edhe më një lojtar më pak, Lioni arriti epërsi ne shikim të parë të paarrtishme me dy golat e shënuar nga Çerki (104) dhe Lakazet (109, penalti). Kur dukej se Lioni do të kuaklifikohet në gjysëmfinale, Mançester Junajted nga minuta e 114-të e deri në minutën e parë të kohës shtesë të vazhdimeve, shënoi tre gola për kthesë të re të madhe në këtë ndeshje. Bruno Fernandesh (114) realizoi penalti, ndërsa Maino (120) dhe Meguaer (120+1) shënuan në fund të ndeshjes.

Në gjysmëfinalen e dytë do të luajnë Totenhem dhe Bodo/Glimt.

Ndeshjet e gjysëmfinales janë në program më 1 dhe 8 maj.

Rezultatet nga ndeshjet kthyese të çerekfinales në Ligën e Evropës (në kllapa janë rezultatet e ndeshjeve të para):

Atletik B. - Renxhers 2:0 (0:0)

Ajntraht F. - Totenhem 0:1 (1:1)

Lacio - Bodo/Glimt 3:1 (0:2); penalti 2:3

Mançester Junajted - Lion 5:4 pas vazhdimeve (2:2).

Dyshet gjysmëfinale:

Totenhem - Bodo/Glimt

Atletik B. - Mançester Junajted. bsh/

Foto: UEFA/Fejsbuk