Londër, 8 janar 2025 (MIA) - Pas disa ditësh negociata me kandidatin e ri, Uest Hemi ia dorëzoi dorëheqjen trajnerit aktual, Hulen Lopetegi.

Ajo që paralajmërohej një kohë tashmë të gjatë është zyrtarizuar. Klubi nga Londra lindore kumtoi se Lopetegi nuk është më trajner, por ende nuk e ka zyrtarizuar ardhjen e trajnerit të ri.

Skuadra u gjet në një situatë të palakmueshme në tabelë. Për momentin është në vendin e 14-të me vetëm 23 pikë, gjë që nuk ishte aspak afër asaj që pritej në fillim të sezonit. Lopetegi nuk i përmbushi as pritshmëritë e tifozëve dhe as drejtuesve, ndaj drejtuesit e klubit londinez vendosën të kërkojnë një trajner tjetër.

Ndërsa Lopetegi zyrtarisht ishte në stolin e Uest Hemit u shfaqën fotografi të liderit të ekipit londinez të ulur me ish trajnerin e Çellsit, Graham Poter.

Eksperti anglez do të jetë trajneri i ri i skuadrës së Uest Hemit, ndërsa pritet vetëm zyrtarizimi i bashkëpunimit pasi të gjitha dokumentet janë firmosur.

Në ndeshjen e ardhshme kjo skuadër do të luajë me Aston Villën në FA Kupën të premten në orën 21.

Foto: arkivi