Liverpul, 5 janar 2025 (MIA) -   Liverpuli doli me kumtesë lidhur me ndeshjen e xhiros së 20-të të Premierligës me Mançester Junajted.

"Ndeshja e sotme me Mançester Junajted do të luhet sipas planit (17:30). Paraprakisht u mbajtën dy takime sigurie për të vlerësuar motin dhe kushtet e lojës. Faleminderit të gjithëve që na ndihmuan të organizojmë këtë lojë sot. Nëse udhëtoni "Enfild", ju lutemi bëni më shumë kujdes. Me padurim presim t'ju takojmë atje", ka shkruar shërbimi për shtyp në rrjetin social të klubit.

 Paraprakisht ishte bërë e ditur se ndeshja mund të anulohet për shkak të reshjeve të mëdha të borës. Pistat në aeroportet e Mançesterit dhe Liverpulit u mbyllën përkohësisht.

 Liverpuli është në vendin e parë në Premierligë me 45 pikë nga 18 ndeshje. Mançester Junajted ka 22 pikë nga 19 ndeshje dhe ndodhet në vendin e 14-të.

 Foto: EPA