Shkup, 4 gusht 2023 (MIA) - Komisioni Shtetëror për Parandalimin e Korrupsionit ka marrë vendim për ndërprerjen e procedurës për DUP-in, Komuna Karposh, sepse ka konstatuar kushte që tregojnë dyshime për funksionim të pakujdesshëm, shfrytëzim të pozitës zyrtare dhe ryshfet.

Komisioni anti korrupsion do të paraqesë gjithashtu një iniciativë në Prokurorinë Publike Themelore për ndjekjen penale të krimit të organizuar dhe korrupsionit ndaj të gjithë aktorëve që morën pjesë në procedurën për zbatimin e Planit të Detajuar Urbanistik për katërkëndëshin (3 04, ndërmjet bulevardet Ilinden, 8 shtator, lumi Vardar dhe rruga Lubjana) në komunën e Karposhit, që nga miratimi i parë, deri në shfuqizimin e tij për herë të dytë nga Gjykata Kushtetuese.

Anëtari i KSHPK-së, Shemsi Salai, informoi se lënda me numër 12-2482/1 datë 22.03.2022 është themeluar në bazë të kërkesës së paraqitur nga një aplikues i panjohur, në mënyrë elektronike. Aplikacioni u plotësua radhazi më 27 korrik 2022 dhe më 16 janar të këtij viti.

Ai theksoi se KSHPK-ja pas analizimit të fakteve dhe provave ka konstatuar se në këtë rast janë miratuar dy DUP identike dhe se ato nuk janë në përputhje me Planin e përgjithshëm urbanistik të qytetit të Shkupit. Në momentin e shitjes së parcelës ndërtimore nuk është ndërtuar asnjë gazsjellës dhe nuk është kryer asnjë vlerësim strategjik për ndikimin e mjedisit jetësor. Gjithashtu, Pucko Petrol nuk ka siguruar dokumentet e nevojshme brenda afatit të përcaktuar për ndërtimin e stacionit të benzinës.

Në seancën e sotme, zyrtarët kundër korrupsionit thanë se do të dorëzojnë peticion në Ministrinë e Vetëqeverisjes Lokale për veprime të mëtutjeshme dhe shpërbërje të Këshillit të Komunës së Karposhit, në përputhje me Ligjin për Vetëqeverisje Lokale.

"Për pjesën tjetër të njohurive të DKSK-së që vënë në dukje dyshime për aktivitet të fshehtë investues të një banke tregtare nëpërmjet një subjekti afarist tregtar - shoqëri tregtare, si dhe dyshime për mosrespektim të rregulloreve tatimore, do të paraqiten parashtresna në autoritetet dhe institucionet kompetente shtetërore", thonë nga DKSK. ls/

Foto: MIA