Shkup, 20 prill 2023 (MIA) - Ministri i Punëve të Brendshme, Oliver Spasovski sot në konferencë për shtyp tha se duhet të përforcohet lufta kundër korrupsionit në të gjitha nivelet e shoqërisë.

"Lidhur me luftën kundër korrupsionit, qëndrimi im është se duhet të përforcohet lufta kundër korrupsionit dhe atë në çdo nivel. Korrupsioni është ai që praktikisht po e shkatërron shoqërinë e Maqedonisë", tha Spasovski në përgjigjen e pyetjes së gazetarëve për deklaratën e djeshme të euroambasadorit Dejvid Gir, se lufta kundër korrupsionit është dëshpëruese.

Ai tha se personalisht është i kënaqur lidhur me atë që është bërë nga ana e MPB-së.

"Numrat statistikisht tregojnë se për shembull vitin e kaluar kemi efikasitet në zbulimin e korrupsionit pothuaj për 50 për qind në krahasim me vitin paraprak, megjithatë ky duhet të jetë sistem, i cili do të jetë në mundësi të përgjigjet në çdo sfidë dhe me këtë rast të punohet shumë edhe në përforcimin e ndërgjegjes publike, pasi edhe ajo është shumë me rëndësi që të rritet edhe besimi në institucionet që të mund njerëzit të paraqesin, gjithsesi më me rëndësi për ato raste, të cilat kanë të bëjnë me korrupsion të lartë", tha Spasovski, në konferencën për shtyp me rastin e fillimit zyrtar të misionit të përbashkët të FRONTEKS-it në vend. bsh/