Zagreb, 19 korrik 2025 (MIA) - Një rast i antraksit është konfirmuar në komunën kroate Vrlika, ndërsa institucionet kompetente po zbatojnë masa që përfshijnë vaksinimin e detyrueshëm të bagëtive, ndërsa njerëzit që kanë qenë në kontakt me të do të marrin antibiotikë, u njoftua në një konferencë urgjente për shtyp në Zagreb.

Mishi i kafshëve nga fermat ku bagëtia është e infektuar nuk duhet të konsumohet, raportojnë mediat kroate.

Ministri kroat i Bujqësisë, David Vlajçiq, vuri në dukje se deri më tani janë testuar 13 mostra, ndërsa dje mbërriti rezultati i parë pozitiv për antraksin. Tre mostra janë ende duke u përpunuar.

Drejtori i Institutit Kroat të Shëndetit Publik, Krunoslav Çapak, vuri në dukje se shërbimi epidemiologjik reagoi menjëherë pasi mori informacion në lidhje me rastin e konfirmuar të antraksit.

Antraksi është një sëmundje e zakonshme tek kafshët dhe njerëzit. Kjo sëmundje nuk është shumë ngjitëse dhe transmetohet nëpërmjet kontaktit të drejtpërdrejtë. sa/

Foto: EPA