Komo, 11 maj 2024 (MIA) - Ekipi i Komos ka luajtur baraz 1:1 mbrëmë me Kozencën në ndeshjen e xhiros së 38-të të Ligës së dytë italiane, dhe falë këtij barazimi, ekipi, trajneri i të cilit është ish ylli spanjoll Cesk Fabregas, është radhitur në vendin e dytë në tabelën e Seria B dhe u kualifikua në Seria A për sezonin e ardhshëm.

Më herët, Parma, e cila është radhitur e para në tabelë, u kualfikua në Ligën e parë italiane.

Venecja dhe Kremoneze u radhitën në vendin e tretë dhe të katërt dhe do të luajnë në gjysmëfinale të plajofit. Katancaro, Palermo, Sampdoria dhe Bresha janë radhitur në vendet 5-8 dhe do të luajnë në çerekfinale të plejofit. bsh/

Foto: EPA